कांग्रेस सभापतिमा खड्गीले गरे उम्मेदवारी घोषणा
काठमाडौं- नेपाली कांग्रेसको सभापतिका लागि श्यामकृष्ण खड्गीले उम्मेदवारी घोषणा गरेका छन् ।
उनले भृकुटीमण्डपस्थित जारी महाधिवेशनमा सञ्चारकर्मीसँग कुराकानी गर्दै आफूले सभापतिको लागि उम्मेदवारी दिने घोषणा गरे ।
‘नेपाली कांग्रेसको सभापतिको लागि आफूलाई योग्य जस्तो सम्झिएर मैले उम्मेदवारी घोषणा गरेको छु,’ उनले भनेका छन् ।
खड्गी काठमाडौं निर्वाचन क्षेत्र नम्बर ६ बाट प्रतिनिधि छन् ।
उनले आफू ४० वर्षदेखि नेविसंघको राजनीति सुरु गरेर अनवरत रुपमा नेपाली कांग्रेसको कार्यकर्ता रहेको, देशमा लोकतन्त्र स्थापना हुनुपर्ने र विधिको शासन लागू गर्नुपर्ने विषयमा लागिरहेको जिकिर गरे ।
