बूढीगण्डकीको तटीय क्षेत्रका बासिन्दालाई सचेत रहन आग्रह
गाेरखा- गोरखाको चुमनुब्री गाउँपालिका हुँदै बग्ने बूढीगण्डकी नदीमा लेदो र गेग्रानसहितको आकस्मिक बाढी आएको छ ।
बाढीका कारण तल्लो तटीय क्षेत्रमा क्षति गर्न सक्ने भन्दै सचेत रहन नेपाल प्रहरीले आग्रह गरेको छ ।
बुढी गण्डकी नदीको चुम्नुब्री गाउँपालिका-६ बाट ठूलोबाढी आइरहेकोले बाढी पास नहुँदासम्म त्रिशूली दोभानसम्म नदी छेउछाउ नजान र उच्च स्थानमा सुरक्षित बस्न नेपाल प्रहरीले अनुरोध गरेको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले पनि नदी तटीय क्षेत्रमा रहेकाहरूलाई सतर्क रहन भनेको छ ।
