ट्रम्पका दुई जना दूत मस्को पुगे, युक्रेन युद्धबारे कुराकानी हुने
अमेरिकी राष्ट्रपति डोनाल्ड ट्रम्पका दुई जना दूत रुस पुगेका छन् । रुस र युक्रेनबीच जारी युद्ध रोक्ने उद्देश्यले हुने वार्ताअघि ट्रम्पका दूत स्टिभ विटकफ र जेरेड कुसनर शनिबार रुस पुगेका हुन् ।
रुसमा उनीहरूले केही शीर्ष रसियन नेतासँग कुराकानी गरेर त्यसपछि युक्रेनको राजधानी किभ जाने भनिएको छ ।
त्यसपछि अमेरिकी राष्ट्रपति ट्रम्पले रुसका राष्ट्रपति भ्लादिमिर पुटिन र युक्रेनका राष्ट्रपति भोलोदिमिर जेलेन्सीसँग छुट्टाछुट्टै कुरा गर्ने विभिन्न समाचारस्रोतले जनाएका छन् ।
ट्रम्पका दूत मस्को पुग्दा भनुकोभो विमानस्थलमा रुसी अधिकारी किरिल दिमित्रियेवले स्वागत गरेका छन् ।
